Gester hemmer a de GV en super Obe gha. Mer hend d Steffi, de Fabio ond d Luz zo üsne neui Ehremetgleder ernennt – danke för üchi riiisig Arbet!🤩 Jubilare: D Lea, Steffi, Scheese, Luz und de Nöli send set 10 Johr bi de Høitrøchner – mega! No of veli witeri Johr met fast allne vo üch🥳 D Scheese hed sech sogar no de Gönnerpokal ergatteret – danke för dine top Ihsatz!🏆 Verabschedig: Schwäre Härzens mömmer im Migi, Chöngu, de Tanja, Sahra, Angi, Nina, Scheese und Lea tschüss säge. Danke för alles – Er wärded üs fähle!❤️😪 Neumetgleder: Mer hend 8 Neu-trøchner döffe dezue gwönne: Irene, Lara, Sara, Lynn, Laura, Quirin, Tony und Dave – wellkomme i üsem coole Huffe!☺️

Und scho wieder ischs e Wuche här womer de letschti Tag vo de Fasnacht gnosse und gfiiret hend. Mir lueged ufne tolli, unvergässlechi und göttlechi Fasnachtswuche mit vellne Highlights zrugg. 🪩🎉🕺 Mir bedanked eus bi allne, wo eus unterschützt hend, eus fliessig sind cho lose und mit eus ahgstosse hend. 💛 Wiiteri Fotis finsch uf eusere Website 📸

Wenn du interessiert besch, en Teil vo üsem coole Huffe z wärde denn mäld dech bimene Metgled, bi üs per DM oder chom eifach verbi.. mer freued üs uf üch üble Type ond Typine:)🥳🎺🫶🏽

Au euses Fasnachtsprogramm stod🕺Mir freued eus uf ne göttlechi Fasnacht mit vellne bekannte und (no) unbekannte Gsichter ah eusne Uftritt und uf ne unvergässlechi Fasnachtswoche 🌞

Am letschte Friitig hemmer zu de @hoegerlis döffe und hend det euses Chönne zum Beste gäh. Am halbi vieri am Morge simmer de abdüset uf Schwäbisch-Gmünd, as 40igste internationale Guggeträffe. Eusi Guggebetreuerinne Tanja und Anita hend eus de ganz Tag dür d‘Stadt gfüehrt und mir hend ah verschedene Ort döffe spelle. Es unvergässlechs letschts Wochenend vo de Vorfasnacht. 🥳

Am Samstig hemmer e Abstächer i euse Nachberskanton Aargau gmacht und sind bi de @heuroepfel.ch ds Sarmi ds Bsuech gsi. Mit im Schlepptau hemmer potenzielli Neumitglieder:inne gha und hend ihne zeigt wiemer wie übli Type und Typinne dued fäste🕺🪩 danke liebi @heuroepfel.ch hemmer döffe bi euch si, es hed sehr fest plauschet 🫶🏼 Wiiteri strahlendi Schnappschüss finsch uf eusere Website 🌞

Am vergangne Samstig simmer ds Hämike bi de @mue_ha_ranchers gsi und hend ordeli es Gaudi gha. Danke liebi Mü-Has hemmer döffe bi euch si 🫶🏼 Wiiteri grandiosi Schnappschüss finsch uf eusere Website.

S legschte Wocheend send es Paar vo üs zäme go snööbe ond of d Ski, s Wätter hätt ned besser chönne sii.🏂⛷️🌞

Høitrøchner Åltwis hat sein/ihr Titelbild aktualisiert.

Høitrøchner Åltwis hat sein/ihr Profilbild aktualisiert.

Legscht Fritig hemmer am Zonftball bi de @bannerzunft en super Start is Wocheend gha, merci hemmer döffe debi si!😊🎉 am 08.02.2025 döfemer schoweder z Hämike si ond zwor bi de @mue_ha_ranchers womer üs scho jetzt druf freued.🎺🔥

Am legschte Samschtig hemmer es super Fäscht gha bi de @staegis_hohenrain, Danke för die „magisch Nacht“ bi üch:) Dä Fritig döfemer bi de @bannerzunft ufträtte ond fäschte.🎉

Am Samstig hemmer bi de @naeburuugger d Party göttlech grockt. Mer hend de Plausch gha, merci hemmer döffe debi si.🥳🎺 Nöchst Samschtig semmer bi de @staegis_hohenrain am s Tanzbei schwenge.🪩🕺🏼

Au für eus hed am Samstig so richtig d‘Vorfasnacht und eusi gliebti 5. Johresziit gstartet. Merci @burgschraenzer hemmer döffe bi euch si. Es hed gfägt! 🌞🕺 Nöchst Samstig gfindsch eus bi de @naeburuugger i de Shotbar. Whoop Whoop, mir freued eus! 🪩🎉

Morn god au für eus ändlech d‘Vorfasnacht los und d’Vorfreud isch riese gross! 🪩 Mir freued eus uf bekannti Gsichter ah eusne Uftritt und uf göttlechi Partys! 🌞

Meteme super Spiel ohne Grenzen, coole Lüt ond guete Guggemusige hemmer letscht Wocheend üsi göttlech Party in Ärmisee gfiiret.👑✨ Danke a alli wo debi gsi send. Mer freued üs scho sehr uf die witteri Fasnachtsziit. Meh Impressione fendsch uf üsere Website—> https://www.hoitroechner.ch

Høitrøchner Pårty 3. und 4. Januar 2025 D‘Fasnacht chund immer nöcher und somit au eusi Høitrøchner Pårty am 3. und 4. Januar 2025. Will mer das Johr euses 45 Johr Jubiläum döfid fiire verastaltid mer am Samstig es Spiel ohne Grenzen mit de Gast-Guggene. Chum verbi und verpass das Spektakel ned! Mir freued eus riisig uf dine Bsuech und e göttlechi Party!

Am vergangene Wochenend hemmer ds Twann a de Trüelete euses Chönne zum Beste gäh, immer wieder es Ständli gspellt und vell Wii trunke. Es isch es tolls Wochenend gsi und mir hend fest de Plausch gha.🍷🎺 Danke @truelete_twann, dass mir hend döffe bi euch si! 📸 meh Impressione finsch uf eusere Website!

Und scho wieder isch euses Pizzafäst verbi. Mir lueged ufnes erfolgrichs Wochenend zrugg und bedanked eus bi allne Sponsore, de Helfer:inne und allne Bsuecher:inne. Ohni euchi Unterstützig wärs ned möglech, d‘Notte di Pizza uf d‘Bei ds stelle. 🍕🍷

Am 30./31. August findet wieder euses Pizzafäst, Notte di Pizza statt. Schnapp der dini Frönde oder Familie und chömed verbii für feini Pizza. Mir freued eus uf euche Bsuech. 🍕🍷